Tryggvagötureitur eða Naustareitur eins og hann er líka stundum kallaður mun verða miðbænum og gömlu höfninni til mikils sóma og upplyftingar. Svæðið í kringum gömlu höfnina skapar nú þegar mikið aðdráttarafl fyrir íbúa borgarinnar jafnt sem ferðalanga. Það verður mikils virði að geta aukið við flóru fyrirtækja á svæðinu og íbúðir og gisting er ennfremur mjög eftirsótt. Götumyndin hefur um áraraðir verið skörðótt en með uppbyggingu á reitnum mun upprunaleg götumynd varðveitast vel fyrir komandi kynslóðir. Reiturinn mun bjóða upp á fjölbreytta starfsemi og hýbýli fyrir borgarbúa jafnt sem ferðamenn.
February 17, 2016